O(∩_∩)O~

【转载】1949年广州——珍贵照片

石室我相信好多人一眼就可认出. 但是白云大酒店前面条路是否有人知呢？ 打横个条街又知唔知呢？ 其实是现在的人民路和大新路！1949年3月

今日系2012年第一次见LG，之前仲有小小怪佢，好似忙到都唔记得我咁。

天气唔多好，成日都阴阴沉沉咁，个人好攰好眼训啊~~~！

朝早佢离到接我，点知我娘亲部电脑神神地，佢俾我叫咗入离帮手搞搞。一见面佢就拎咗一盒阿华田俾我，我就喺度饮，佢就喺度整。心里面好温暖，虽然好似好小事，但我都好开心。虽然搞唔掂，不过都预咗噶啦。

跟住下午我去屈臣氏买嘢，见到dodo嘅粉红恋人散粉特价，好爱，可惜无货了。

佢5点送咗我翻屋企，之后就过江南西准备食公司年饭。佢今日已经好攰噶啦，好似无咩精神咁。我都有D担心佢食饭训着教。

2012，传说中嘅末日，终于都来临。

唔知点解，我一啲都唔恐惧，仲好期望真系会有机会见证到世界末日。

最近过得有小小乏善可陈。每日重复重复地过，食饭，训教，温书，听歌。我已经唔记得自己系由几时开始染上呢个坏习惯，每次温书温到攰，温到想呕嘅时候，就会畀自己听歌。边听边温嘅感觉好好，虽然觉得效率会有小小影响。可能系我觉得张敬轩可以鼓舞到我，佢嘅声音提醒我，就算系几有天分，都必须经过努力先可以将一啲事情做好。

圣诞节就咁过咗，生日就咁过咗，其实人生有好多时候，就系不知不觉地过去，到你突然发现佢存在嘅时候，其实已经过去咗。

12月系我最中意嘅月份，晴朗嘅冬天系我最中意嘅季节。

喺2011年嘅最后一个月开始之时，冬天终于来到，尽管已经好迟，但离咗都系好嘅。天气凉咗好多，风好大，但阳光好充足，心情变好咗好多。唔需要上手术，呢个冬天已经舒服咗好多啦。无比感恩。

琴晚唔知点解，突然霖起原来今日系JUNO生日，原来不知不觉之间，已经忽略咗好多年。我衷心感激，喺我想叛逆想学坏嘅时候，遇上一个带我学好嘅人。其实好多年前子弹就话，JUNO对我离讲，更加似老豆。无限嘅爱护同包容。佢嘅离开，我早已释然。但佢依然系一个好好嘅人。唔完美，但好美好。我真系好多谢佢带畀我所有好嘅影响，多谢佢教识我嘅保护我嘅。生日快乐！佢喺加拿大有自己嘅家庭，有太太同个囡囡，一切都好美满。我真心希望佢地一家人开开心心，幸福美满。亦都希望自己离呢个目标唔太远。